Distinctions (Atuam Vilvel Thupitdiakna)

🎓 Full Tuition: Washington Conference, North Pacific Union Conference, leh North American Division te in ka sangsap teng hong sik.

📖 Concentration: Youth & Young Adult Ministry sin beh deuh in nei.

📊 GPA: 3.9 tawh man.

🏅Theta Alpha Kappa (ΘΑΚ): The National Society for Religious Studies and Theology ah pawlmi.

🏆 Phi Kappa Phi (ΦΚΦ) Honor Society: The nation’s oldest, most selective, and most prestigious all-discipline honor society. US ah honor society a sawt om pen, vang a nei pen leh a lut hak pen, mipil misiamte kipawlna ah pawlmi.

🤝 2023 NAD Myanmar Youth Convention Launched & Directed: Dollar teng khat val man khawmpi kipat khiatpih. "Kawi mah leh Kitam lo" thulupi tawh Zeisu sung ah suahtakna ngahna thei in phutkhak(experience) theihnang in Khangote a dingin quality neitak in khawmpi vaihawm.

🇲🇲 2024 AUMSA Organized & Directed: Andrews University sangpi kipat zawh kum 150 khitciang Andrews University Myanmar Student Association (AUMSA) phuan khia in #Empower, #Belong, #Serve cih thulu tawh khangnote makai pantah in Kawlgammite a ding sangpi sung ah inntek lungsim nei in a khangkhiat theihna ding in lamzawt.

🔥 2024 & 2026 Lake Union Conference Youth Evangelism Congress Directed: Makaipi (Director) in Union Youth Director pa tawh nasem in makaih khawm. Khangnote in dollar teng nih val Pasian nasepkhiatna ding in sum hawmna ah makaih.

🏕️ 2024 Believe the Promise International Pathfinder VIP Coordinator: Kawlgammi khangno 20 val in a tuamvilvel sumpiak pawipi nasemte ding in vaihawm pih. Tua ban ah VIP Community Guest Coordinator khat in zong volunteer a, pawibawlna khua leh gamke pan a kumpi nasemte makaite leh biakna makaite tawh kizom in Pasian' a ding in Pathfinder pawipi ah nasem.

💡2025 Community Impact Endowment Scholarship Recipient: Andrews University Graduate Students’ Association (AUGSA) te makaihna tawh $1,500 tawh kipahtawi na ngah.

✈️ 2025 Reformation Study Tour Participant: Full sponsorship tawh pai in Puahphatna makaite (Waldensean, Martin Luther, John Hus, John Calvin, Urlich Zwingli, etc.) leh Andrews University sangpi mintap pa John Nevins Andrews' (GC President lui, gamdang ah Adventist Missionary masapen) han te, a tualbialna munte ah va pai in pilna sinkha.

🌍 2025 62nd General Conference Session of SDA Delegate: Leitung bup pan delegate 2,809 lak ah khat in Andrews University pan in kihel.
A pil pen hilo, a hai pen zong hituanlo, kei. A kicinglo mawhnei kei tungah Topa'n a maipha hi bang in hong pia thei hi leh, Topa in nang zong a maipha hong pia in thupha hong pia lua ding hi. Aangsung a ding hilo in Topa' a ding ih sep nak leh Topa' in hong gualzawhpih ding hi. Ih din mun tek pan citak in hanciamtek ni! 🙌

Ka nuntakna ah ka let thulu pite:

🥰 "I am just a sinner, saved by grace."(Hehpihna hang in a suakta, mawhneimi ka hi lel hi.)

✝️ "In my hand no price I bring, simply to your cross I cling." ~ Augustus Toplady (Rock of Ages la at pa)

📖 "Note’ siat nading hi loin na nopsak nading uh, note lametna leh mailam hong pia ding Ka gelnate Kei mah in Ka thei hi, Topa in ci hi." ~ Jeremiah 29:11 (KhaiKhai's Zomi Version)